Yer wanting a story aboot a rebel? Well, yer no getting wan.
Ye hear me?
Yer no telling ME whit tae say,
Ah write aboot what Ah want tae,
Ah winnae dance tae yer tune,
Yer terms and conditions,
Yer perfect renditions,
O’ some snoff’s idea o’ po-yeah-tray
(See – I even left in my mistake),
How will that sit with the neat Nanny State
that wants all its words on a neo-liberal plate?
Hey! I think I’ll put a wee bit o’ politics in the middle o’ the story.
Something like ‘ALL VOTE TORY!’
(just fur a laff)
Where’d ye get aff,
Telling me whit’s funny or no?
Ahm gonnae say wot Ah want,
Ah might even huv a sly rant,
Shoutin and screaming, ma words like litter,
The junk-food o’ feeds, the hash plants of Twitter
YOU WINNAE PUBLISH MA WURDS ONYWAY - YER NO BRAVE ENUFF
You’ll be like – ‘she said this - so she’s a wee besom’,
‘Full o’ cheek and whatdaeyemcallit-ism’.
Shut her up fast, she needs a guid shushin’,
Inject her wi’ poison, tell the world it wis the –
THAT’S IT! END OF DISCUSSION.
(See? I know what you were thinking even if you didnae say it)
(and no, I winnae ‘read your rules carefully’ before I apply)