NOW...If I Had a Crystal Ball...

If I only knew whit lies ahead
I’d ken which path tae take
I’d ayeways hae the upper hand
Wi’ choices I’d tae make

So, if I had some inward gist
Oh! now, wouldn’t that be jist grand
I’d likely be wan step in front
Aware of whit’s been planned

I’ve tried ma luck wi the ‘wise one’
Tellin’ fortunes at the fair,
But that wiz jist a waste o’ time
Ma mither could tell me mair!

I’ve looked at what the stars foretell
Tae gie me ‘inner sight’
But stars an' planets, an’ how they lie
Could not resolve ma plight

I’ve tried ma hand at gazing balls
That shimmer in the sun
But they can’t show what the future holds
Jist ma face…in every one!

But if I knew whit road tae tak
Tae ken jist whaur I’m goin’
Avoiding trouble on the way
By…that would be plain borin’!

So, its maybe no’ such a guid idea
Tae ken how lies yer fate
The path o’ destiny twists an’ turns
It niver runs oot straight

The meaning o’ life and whit’s ahead
The truth may be laced wi’ sorrow
It’s short-lived secret, sour or sweet
Here today and gone tomorrow

So, I’ll listen tae some wise old words
That ma Granny used tell me
An’ there’ll be nae need fir a crystal ball, cos
Whit’s afore ye’ll nae gae past ye!