Please note: this story contains strong language
Now Eck, ye kain aboot the changes?
Fit changes?
Nay mair Universal Joab Match.
Well, that makes sense. The universe is a big place. And as far as I kain yer best bet’s still planet earth.
Eh?
Fit?
Ye said summin there.
Jist thinkin out loud man. Be cool.
Be cool! Are you on drugs?
Only the prescription kind.
Well, it’s nay Universal Joab Match ony mair.
Well, that’s a pity coz I’ve jist finished buildin a space rocket. Here, I taen a photo wi ma phone.
Bloody hell. Is that real?
Course it’s real. In order ti fulfil ma work search commitment I intend tae visit distant galaxies. Hae a wee wurd wi the Martians and Venusians regardin potential employment opportunities.
Well, ye winna hae ti dae that noo, coz wiv changed it ti Find a Joab.
That disna suggest distant galaxies.
Ye’re right. It disna.
A bittie a bugger efter me getherin in the materials. Then pittin it aa thegither.
I can only apologise.
The Ma's nay virrie happy coz it’s takin up room in her shed.
Nivirmind that. Fit aboot Find a Joab?
Same thing. Different handle.
Exactly.
Fan they bringin in the firin squad?
Eh?
Might as well. Wir aa jist sittin aboot daen nuthin.
Wid ye like ti speak ti sumbdy?
I’m speakin tae you.
Aye but wiv got people ye can talk tae.
Fit people?
People that can help.
Aye but are they fit, as in female?
Fucksake. Jist sign here.