Fae netherworl o lang dark sleepin
amang scrogs
an snyaave drifts aa reevin,
Gentie green airms
pyke throw, an leen
tae greet I hairnin sinblink.
On Candlemas yer hied comes keekin
shrouded fyte
wi dorty daubs o greenan,
Dowie doon hings
yer blate bell croon
tae greet I thirlt traiveler.
Sae modestly yer byowty keepin
sakeless pure
siccan sma a bleemin,
Heesin up hairts
wi cheer an hope
tae greet ilk mochie dawnin.
Scrogs – stunted bush
Dorty – dainty
Blate – bashful
Thirlt – enthralled
Sakeless – innocent
Mochie – misty