Dir ivver tellin wis at if we dinna use da dialect, hit’ll dee oot. Wi ivry passin generation we kin hear it dwindlin awa, fewer bairns usin it as time gengs on.
Hit’s fine den tae hear de, my bairn, broad as onythin whan du spaeks wi wis. Du’s a clivver peerie lass, nithin gets by de, an in a time whan dir dat mony fokk an influences in dy life at wid prefer at du be ‘taught to speak’, hit’s fine den at no only is du been ‘towt tae spaek’, but at du uses it plenty among wis. I hoop du’ll ay keep it wi de, nae mettir whit, fir wi ivry bairn at sticks wi it, it staands a better shance o survivin.